جلاش بالخضراوات
النهارده هنعمل مع بعض الجلاش بالخضراوات ليكي ولأسرتك، وممكن تقدميه طبق جانبي في الغداء.
جلاش بالخضراوات
لفة جلاش
¼ كوب زيتون مخلي مقطع شرائح
2 ملعقة كبيرة جبنة رومي مبشور
فلفل ألوان مقطع شرائح
ملعقة كبيرة زيت
جبنة موتزاريلا
ملح وفلفل أسود
بصلة مبشورة
كوب لبن
2 بيضة
الطريقة:
1- شوحي البصلة في الزيت على النار وضيفي عليها الفلفل الألوان والملح والفلفل الأسود وقلبيهم لمدة دقيقتين على النار.
2- ادهني الصينية بالزيت وبعدين ابدئي رصي نصف لفة الجلاش، ويكون ما بين كل ورقتين مدهونة بالزيت، وبعد كده افردي عليها الجبنة الموتزاريلا والجبنة الرومي والزيتون وخليط البصل والفلفل الألوان.
2- رصي عليهم باقي لفة الجلاش وكرري نفس الطريقة (ما بين كل ورقتين مدهونة بالزيت)، وبعد كده اخلطي البيض مع اللبن والملح والفلفل الأسود، وصبيه على وش الجلاش.
3- دخليه فرن درجة حرارتة 200 درجة مئوية لحد ما يبقى لونه دهبي، وقدميه.. وبالهنا والشفا.
خلصت وصفتنا النهارده..
استنونا كل يوم مع وصفات جديدة..
سلام،،،
ولمزيد من المأكولات وطرق تحضيرها وغيرها الكثير انتقل إلي > قسم بنات ونساء
شاركها أصدقائك وفيدهم ولا تدعها تقف عندك
لا تحرمنا من ردودك وتعليقاتك الراقية
مشاركتك تسعدنا وتعطينا دفعة للأمام
