النهارده هنقول لكم بعض الحيل الذكية المجرّبة في تقليل الوزن..
1- التحكّم في كميات الأكل مش بس بالقياس لكن كمان بنوعيته، يعني زي إنك تلغي العيش من الوجبات اللي بتحتوي على رز أو مكرونة، أو تلغي الطبق الرئيسي من الوجبة وتطلب بدلا منه أطباق جانبية خفيفة.
2- احتفظ دايما بأي فاكهة معاك سواء في مكان شغلك أو في الشنطة اللي بتتحرك بيها أو في عربيتك، علشان تلجأ لها على طول أول ما تحس إنك محتاج تاكل قطعة شيكولاتة أو أي حاجة حلوة.
3- خصّص طبق معين للوجبة بتاعتك تحط فيه كل الأصناف اللي هتاكلها بما يتناسب مع حجم الطبق، وحاول تلتزم بالكمية دي وما تاكلش زيادة عنها.
4- غسيل الأسنان بعد تناول وجبة العشاء بيقلل من إحساسك بالجوع والرغبة في تناول الطعام مرة تانية قبل النوم.
5- احتفظ بصورك قبل الوصول للوزن المناسب، علشان تكون دافع لك إنك ماتسيبش نفسك توصل للوزن ده مرة تانية.
6- تجنّب العصاير أو المشروبات اللي بتحتوي على سعرات حرارية عالية.
7- غيّر صياغة هدفك، يعني بدل ما تقول لنفسك أنا عايز أقلل وزني 10 كيلو، قول أنا عايز أخس كيلو واحد عشر مرات.
8- تناول طبق من شوربة الخضار قبل وجبة الغداء بيقلل من كميات الأكل اللي بتحصل عليها بمقدار 10%.
9- أعلن هدفك بعدد الكيلوات اللي عايز تخسرها خلال الريجيم لأكبر قدر من أصدقائك والمحيطين بك، لأن ده هيصعّب عليك جدا قرار تراجعك عن الوصول للهدف اللي أعلنته.
لا تحرمنا من تعليقاتك و ردودك
تابعنا دائماً لدينا أجمل وأقوي المواضيع بإستمرار إن شاء الله
تحياتي المشرف العام / أمير محمد لمتابعتي اضغط هنا أواضغط متابعة
ساعدنا بالضغط علي لايك وسيصلك ما يفيدك ويمتعك باذن الله
شاركها أصدقائك وفيدهم ولا تدعها تقف عندك
لا تحرمنا من ردودك
