راجع من شغلك متخانق وعندك مشاكل.. بتدخل بيتك قرفان.. ما أنت صايم وجعان وعطشان وحران..
ابنك الصغير جاي عايز يفرّجك على رسمته، بتزعق فيه وتقوله: "هو ده وقته"!!
بنتك الأمورة عايزاك تقرى لها قصة، بتزقّها وتقول لها: "أنا شقيان طول اليوم"!!
زوجتك بتيجي تسألك: "يا ترى أعمل إيه بكره لمّا والدتك تيجي تزورنا؟ أصلها بتحب البسوسة، وأنا دايما بتتحرق مني"، تلاقي العفاريت بتتنطط في وشك، وتقولها أنا مالي هو أنا كمان مسئول عن البسبوسة.
خلاص خلّصت وصلة عصبيتك؟ وخليت ابنك يدخل أوضته معيّط، وبنتك مكسورة الخاطر، وزعّلت زوجتك اللي كل غرضها إنها تحتفل بوالدتك!!
فكّر كده شوية، وخد بعضك وانزل من البيت.. زوجتك هتفتكرك زعلت وسيبت البيت، لكن بعد ساعة لما ترجع قبل أذان المغرب، وتنده لأبنك وتدي له علبة ألوان جديدة، وتقول له فرّجني رسمتك، وارسم حاجات حلوة.
وتحط بنّوتك على رجلك وتديها قصة جديدة، وتقول لها هنقرى بالليل بإذن الله قبل ما تنامي.
وتدخل المطبخ وتدّي لزوجتك صينية بسبوسة بالقشطة، وتقول لها علشان ماتتعبيش يا حبيبتي..
هتحس وقتها إنك ملك وأنت شايف ضحكة ولادك وزوجتك مالية البيت.
جرب وشوف بنفسك مفعولها :)
لا تحرمنا من تعليقاتك و ردودك
تابعنا دائماً لدينا أجمل وأقوي المواضيع بإستمرار إن شاء الله
تحياتي المشرف العام / أمير محمد لمتابعتي اضغط هنا أواضغط متابعة
ساعدنا بالضغط علي لايك وسيصلك ما يفيدك ويمتعك باذن الله
شاركها أصدقائك وفيدهم ولا تدعها تقف عندك
لا تحرمنا من ردودك
