فراخ على الطريقة المكسيكية

ممكن تقدّمي الفراخ مع أرز أبيض

أعدّها: أميرة هيبة
النهارده هنعمل الفراخ على الطريقة المكسيكية؛ علشان تجدّدي في الأكلات اللي بتقدّميها لأسرتك؛ يلّا بينا على المطبخ نشوف هنعمل الفراخ إزاي...
فراخ على الطريقة المكسيكية
المقادير:

• ½ كيلو صدور فراخ
• ثمرة طماطم مقطّعة مكعبات
• 2 ثمرة فلفل رومي ألوان
• بصلة شرائح
• 2 فص ثوم
• 2 ملعقة زبدة
• ½ كوب شوربة
• 2 ملعقة كبيرة من البهارات المكسيكية؛ وهي عبارة عن خليط بكميات متساوية من: (الدقيق + البابريكا + الشطة + الفلفل الأسود + الملح + زعتر)

الطريقة:
1- أول حاجة سيّحي الزبدة على النار وشوّحي فيها الفراخ شوية، وبعد كده ارفعي الفراخ في طبق وحطّيها على جنب وغطّيها.

2- شوّحي البصل في نفس الطاسة اللي شوّحتي فيها الفراخ، وبعد كده ضيفي عليه الثوم وقلّبي شوية لحد لما لونهم يصفرّ.

3- حطّي الفلفل وبعدين الطماطم واستمري في التقليب، وبعد كده ضيفي عليهم البهارات المكسيكية.

4- رجّعي الفراخ تاني في الطاسة وقلّبيها مع الخليط، وبعد كده ضيفي الشوربة عليهم وسيبيهم على النار شوية.

5- ارفعي الخليط من على النار وسيبيه يهدى شوية وممكن تقدميه مع أرز أصفر أو أبيض أو أي إضافات بتحبيها.. وبالهنا والشفا.

لا تحرمنا من ردودك

انضم معانا وخليك عضو في المدونة بسرعة عشان لو مش مسجل هتخسر كتير اوي اضغط هنا واشترك

بواسطة / المشرف العام للموقع

أ / أمير محمد

ساعدنا بالضغط علي لايك وسابسكريب وسيصلك ما يفيدك ويمتعك باذن الله                            

  
  
   

اضغط سابسكرييب

شاركها أصدقائك وفيدهم ولا تدعها تقف عندك

لا تحرمنا من ردودك